தக்காளி விலை திடீரென உயர காரணம் என்ன? எப்போது விலை குறையும்? Reasons for TN Tomato Price Increase

தக்காளி விலை கடும் உயர்வு

சென்னை கோயம்பேடு மார்க்கெட்டிற்கு தக்காளி வரத்து சமீப நாட்களில் வெகுவாக குறைந்துவிட்டது. இதனால் தக்காளியின் விலை விலை ஒரு கிலோ ரூ.100 ஆக உயர்ந்துள்ளது.

“தற்பொழுது சென்னை கோயம்பேடு மார்க்கெட்டிற்கு தக்காளியினுடைய வரத்து கடந்த ஆண்டை விட குறைவாகவே உள்ளது. இதற்கு காரணம் கடந்த ஆண்டு ஆந்திரா, கர்நாடகா பகுதி விவசாயிகளுக்கு சரியான விலை கிடைக்காததால் அவர்கள் மாற்று பெயரை செய்ய தொடங்கி விட்டனர். அதன் காரணமாகவே தக்காளி விலை தற்பொழுது உயர்ந்துள்ளது.”

தக்காளி விலை அதிகமானதற்கு காரணம் விளைச்சல் குறைந்தது தான் முக்கிய காரணம். இந்த விலை ஏற்றமானது சிறிது காலம் வரை நிச்சயமாக இருக்கும்.

“இயற்கையின் சீற்றமே காரணம்”

தக்காளி விளைச்சல் அதிகமாக இருக்கும் போது கோயம்பேடு சந்தைக்கு 50 முதல் 80 வண்டிகள் தக்காளியை ஏற்றி வரும். ஆனால் தற்பொழுது விளைச்சல் குறைவு என்பதால் 20-30 வண்டிகள் வரை மட்டுமே வருகின்றன. இயற்கை சீற்றத்தின் காரணமாக, அதிக வெயில் தாக்கத்தின் காரணமாக தக்காளியின் விளைச்சல் ஆந்திரா, கர்நாடகாவில் மிகவும் குறைந்துவிட்டது. இரண்டு மாதங்களுக்கு முன்பு கிலோ ஐந்து ரூபாய் பத்து ரூபாய் என தக்காளி விற்பனை செய்யப்பட்டது. அதை சந்தோஷமாக பொதுமக்கள் வாங்கி பயன்படுத்தினார்கள்.